Një tragjedi ka tronditur së fundmi zonën e Ilioupolit të Greqisë ku mëngjesin e kësaj të marte, dy 17-vjeçare u hodhën nga kati i gjashtë i një pallati.
Për rrjedhojë, njëra prej adoleshenteve ka humbur jetën menjëherë në vendngjarje, raporton protothema.gr.
Ndërsa tjetra mësohet se ndodhet në gjendje kritike për jetën e shtruar në spitalin “Asclepius” në Voula.
Autoritetet po vijojnë me punën me zbardhjen e plotë të rastit ndërsa mësohet se pasditen e sotme është gjetur çanta e njërës prej vajzave. Brenda çantës ishte një letër e shkruar nga ajo, në të cilën thuhet se shpjegon shkaqet e ngjarjes së rëndë.
Burime nga grupi hetimor bëjnë me dije se vajza e dytë zgjodhi të hidhej së bashku me shoqen e saj, edhe pse shkaqet e veprimit drastik mbeten të paqarta pasi nuk është gjetur akoma shënimi i plotë i saj.
Referuar hetimeve të deritanishme, është krijuar një kronologji e tragjedisë së ndodhur, sipas së cilës thuhet se njëra prej vajzave jetonte në pallatin nga ku dyshja kreu aktin drastik.
Dy adoleshentet kanë hipur në tarracën e pallatit, duke mbyllur derën e pas pak minutash janë hedhur nga kati i gjashtë, çka rezultoi fatale për njërën prej tyre, pasi 17-vjeçarja humbi jetën menjëherë.
Në lidhje me ngjarjen tragjike ka dhënë dëshminë e tij dhe një biznesmen i zonës i cili ka qenë i pranishëm në momentin e ngjarjes.
Biznesmeni thotë se në momentin kur vajzat u hodhën në zonë u dëgjua një zhurmë e fortë, çka i nxiti atij kureshtjen për të parë se çfarë ka ndodhur. Sapo vuri re vajzat në tokë ai tha se ka njoftuar menjëherë ambulancën, ndërsa shton se në vendngjarje u shfaq menjëherë dhe vëllai i njërit prej vajzave.
“Dëgjova britma dhe pastaj një shpërthim të fortë. Ktheva kokën dhe pashë dy vajzat. Telefonova urgjencën dhe Shërbimet e Emergjencës. Urgjenca erdhi shumë shpejt, por kur mbërriti ambulanca, isha afër vajzës që po merrte frymë dhe po flisja me të, duke u përpjekur t’i jepja forcë të qëndronte e vetëdijshme.
Një zonjë zbriti nga autobusi i parë, i cili iu afrua njërës prej vajzave dhe pa se ajo po merrte frymë. Pastaj një tjetër i ri zbriti dhe tha se ishte vëllai i vajzës”, tha biznesmeni.
Ndërsa një fqinje e pallati tregon se adoleshtentët kanë këmbëngulur për të marrë çelësin e tarracës, por komshinjtë nuk kanë pranuar që t’ia japin. Ndërsa mbetet e paqartë se si arriti 17-vjeçarja të sigurojë çelësin.
“Shoqja ime i thotë asaj ‘ku janë çelësat, ku i vendosim’. Ajo nuk pati kohë të bënte pesë hapa dhe dëgjoi zhurmën, fëmijët ranë nga çatia”, tha ajo.
Sakaq, bëhet me dije se po vijojnë hetimet për zbardhjen e plotë të rastit.
Ngjarja e rëndë ka tronditur mbarë opinion publik në Greqi dhe Shqipëri pasi ka ndodhur vetëm dy ditë pas tragjedisë së ndodhur në bregdetin e Durrësit, ku 18-vjeçarja Prayla Troplini i dha fund jetës së saj duke u hedhur nga ndërtesa ku jetonte.